Google ADS

Bulliqi i bindur: Do të fitojë pa balotazh

00:08 | 31 Tetor 2020
Trina Galanxhi

Kandidati i Vetëvendosjes për kryetar të Komunës së Podujevës, Shpejtim Bulliqi është i bindur se do të dalë fitimtar në zgjedhje.

“Në çfarëdo rrethane, në çdo situatë qytetarët llapjanë kanë me përqafu ndryshimin”, tha Bulliqi në emisionin ‘DPT te Fidani’ në T7.

“Besoj që do t’i fitojmë zgjedhjet pa balotazh, pasi kemi treguar në nivelin qendror se qeverisim me duar të pastra”, theksoi ai.

Bulliqi është shprehur kundër një mundësie për shtyrje të sërishme të zgjedhjeve.

“Shpresoj shumë që ky do të jetë vendimi i fundit. Podujeva që 7 muaj është pa kryetarë, ka pasur mundësi që këto zgjedhje të mbahen më herët. Një gjë e tillë nuk ka qenë në interes të tij (Thaçit), arsyet mund t’i di vetëm ai dhe rrethi i tij i ngushtë”, shtoi Bulliqi.

Zgjedhjet në Podujevë janë caktuar për 29 nëntor. Ministri i Shëndetësisë Armend Zemaj nuk e ka mohuar mundësinë për shtyrje të zgjedhjeve nëse përkeqësohet gjendja me Covid-19./expres/

Shpërndaje në rrjete sociale

Lajmet më të lexuara

Të ngjashme

Foto lajm